Янги Каледонияда 4 ноябрь куни ўтказилган референдумда овоз берувчиларнинг 56,8 фоизи Франция таркибида қолиш тарафдори эканлигини билдирди, деб ёзади «Газета.uz».
Тинч океанида жойлашган архипелаг Франциянинг маъмурий-ҳудудий бирлиги сифатида қолади.
Референдумда ҳудуд аҳолисининг қарийб 80 фоизи иштирок этди. Уни ўтказиш архипелагни колонизация қилиш кетма-кетлиги ҳақида 1998 йилда имзоланган келишувда кўзда тутилган эди. Ўша йили ҳам Янги Каледонияда референдум ўтказилган, унинг аҳолиси мустақилликка қарши овоз берган эди.
Франция президенти Эммануэль Макрон Каледониянинг аксарият аҳолиси Францияни танлаганидан фахрланишини маълум қилди. У Франция Янги Каледония аҳолисининг турмуш тарзи яхшиланиши учун ҳаракат қилишини алоҳида қайд этди.
Изоҳ (0)