Британиялик Росс Эжли Буюк Британияни сузиб айланиб ўтгач, Гиннесс рекордлари китобига кирди, деб ёзади «Корреспондент.net».
33 ёшли Эжли Маргит денгизбўйи шаҳридан 1 июнь куни йўлга чиқиб, улкан оролни соат мили йўналишида айланиб сузиб ўтишни бошлаган. Йўлда унга денгизчи Мэттью Найт катамаранда ҳамроҳлик қилди, Росс унинг бортида дам олди ва тунади.
Эжли 157 кун давомида сузиб, 3317 км масофани босиб ўтди, бунда у бирор марта ҳам қирғоққа чиқмади. Рекордчи сафарини ўзи беш ой аввал старт олган нуқта — Маргит пляжида якунлади.
Изоҳ (0)