Япония бош вазири ва Либерал-демократик партия (ЛДП) раҳбари Шигеру Исиба сайловдаги мағлубият туфайли ой охиригача истеъфога чиқишни режалаштирмоқда. Бу ҳақда унинг яқинларига таяниб, Yomiuri газетаси хабар берди.
20 июль куни Япониянинг ҳукмрон коалиция — (ЛДП) ва унинг шериги “Комеито” — парламентнинг юқори палатаси (маслаҳатчилар палатаси)да кўпчилик ўринни йўқотган. Улар 47 та (тегишлича 39 ва 8 та) мандатни қўлга киритган. Натижада 125 ўриндан иборат палатада кўпчилик учун зарур бўлган 50 та ўринга эриша олмаган.
Партия 1955 йилда ташкил топганидан буён, 1993-1996 ва 2009-2012 йилларни ҳисобга олмаганда, мамлакатни деярли узлуксиз бошқариб келган.
Сайловлардаги мағлубиятдан сўнг партия ичида Исибанинг истеъфоси бўйича чақириқлар янграган. 22 июль куни партия раҳбариятига муддатидан олдин сайлов ўтказиш учун имзо тўплаш ҳаракати бошланди. Бош вазирнинг ўзи Япония-АҚШ ўртасидаги тариф музокаралари якунлангач, истеъфога чиқишини айтган.
Япония ва АҚШнинг савдо музокарлари
АҚШ президенти Дональд Трамп Японияга 25 фоизлик божхона тўловлари билан таҳдид қилган эди. Бу тўловлар 1 августдан кучга кириши керак. Бу апрель ойида АҚШ ўнлаб мамлакатлардан келадиган товарларга тарифларни ошириш ваъдасининг бир қисми ҳисобланади.
Вашингтон шу орқали савдо ҳамкорларидан ён беришни талаб қилмоқда. Бир неча ойлик музокаралар натижасида Токио ва Вашингтон муросага келишга эришган. 23 июль куни Трамп АҚШ ва Япония божхона тўловлари масаласини ҳал қилиш учун савдо битими тузганини айтган. Сиёсатчи уни “тарихдаги энг йирик битим” деб атаган. Битим Япониянинг АҚШга 550 миллиард доллар миқдорида сармоя киритишини, Америка товарлари учун Япония бозорини очишни ва АҚШ товарларига 15 фоизлик тарифлар белгилашни ўз ичига олади.
Япония АҚШнинг энг йирик импорт манбаларидан бири саналади. У 2024 йилда фақат Мексика, Канада, Хитой ва Германияга ютқазган. Бир неча ой давомида Япония ва АҚШ савдо келишувига эришиш учун курашган, келишувни, шу жумладан яқинлашиб келаётган сайловларни тўхтатиб қўйганди.
Изоҳ (0)