Тошкентлик З.М исмли аёл С.О исмли эркакга «карбамид» олиб бериши учун 25 минг АҚШ долларини бериб юборди. С.О эса пулни қўлга киритгач, уни ўз эҳтиёжларига ишлатиб юборган. Бу ҳақда ИИВ Жамоатчилик ва оммавий ахборот воситалари билан алоқалар бошқармаси хабар берди.
Шунингдек, Тошкент шаҳрининг Сергели туманидаги автомашина бозорида Тошкент вилояти Зангиота туманида яшовчи С.М. Nexia русумли автомашинасини сотиш учун бозорга олиб чиққан. Номаълум шахс келиб кейинчалик сотиб олиш шарти билан 24 ой давомида ҳар ойда 500 доллардан жами 12 минг доллар тўлаб беришини айтади. С.М. бунга рози бўлади ва автомобилини унга бериб юборган.
У автомашинани олиб кетгач, уни бўлакларга ажратиб, номаълум шахсларга сотиб юборган. Пулини эса ўз эҳтиёжларига ишлатиб юборган. Орган ходимларининг саъй-ҳаракати билан ушбу жиноятни содир этганликда гумонланаётган Фарғона вилояти Қўқон шаҳрида яшовчи 23 ёшли Т.А.ни ушлаш чоралари кўрилган.
Ушбу икки ҳолат юзасидан ҳам жиноят иши қўзғатилиб, тергов ҳаракатлари олиб борилмоқда.
Изоҳ (0)