Осиё тараққиёт банки Ўзбекистонга биринчи тиббий-санитар ёрдамни ривожлантириш учун 25 йил муддатга 45 млн АҚШ доллари миқдорида кредит ажратди. Ушбу маблағ Вазирлар Маҳкамасининг қарорига кўра, 793 та қишлоқ оилавий поликлиникасини моддий-техник мустаҳкамлашга йўналтирилади. Бу ҳақда Turon 24 хабар берди.
Тиббиёт ва нотиббий ускуналарни сотиб олиш учун қарийб 40 млн доллар сарфланади.
Лойиҳанинг амалга татбиқ этилиши натижасида тиббиёт муассасалари кунига 88 минг беморни қабул қилиши мўлжалланмоқда. Уларда 4,8 мингга яқин тиббиёт ходими хизмат кўрсатади.
Ўзбекистон ҳам, ўз навбатида, лойиҳага 12,8 млн доллар сармоя киритади. Хусусан, 11 млн долларни солиқ ва божхона имтиёзлари ташкил этади.
ОТБ кредити тўловлари давлат бюджети ҳисобидан амалга оширилади.
«Биринчи тиббий-санитар ёрдамни ривожлантириш» лойиҳаси 2021 йилда якунланади.
Изоҳ (0)