Қорақалпоғистон Республикаси кўз касалликлари шифохонасида биринчи марта кўз тўрпардаси операция қилинди. Жарроҳлик амалиётини кореялик шифокорлар амалга оширишди. Бу ҳақда Turon 24 хабар берди.
Жанубий Кореядан келган мутахассислар, яъни офталмолог врачлар – Янг Жонг Юн, Парк Хюнжу, ҳамширалар – Лим Ха Жин, Рю Жинёнг, Коо Вонуоонг (анестезиолог) Лее Сеонгкоок (маъмур) 29 октябрдан 3 ноябргача олти нафар беморни операция қилинди.
«Бугунги кунда бутун дунёда кўз касалликларидан азият чекаётганлар кўпайиб бормоқда. Айниқса, кўз тўрпардаси билан боғлиқ шикоятлар сони анча ортган. Ўтган йили биз ишлайдиган Силом Cентер Фор Тҳе Блинд хайрия ташкилоти кўз тўрпардаси билан боғлиқ жарроҳлик амалиётларида фойдаланиладиган тиббиёт ускуналарини Қорақалпоғистонга жўнатган эди. Мана, бу йил операция қилиш учун келдик. Умид қиламизки, ҳамкорлигимиз ҳар икки томон учун манфаатли бўлади», – дейди Парк Хюнжу.
Жарроҳлик амалиётлари Корея Республикасининг Силом Cентер Фор Тҳе Блинд хайрия ташкилоти ва Ўзбекистон Республикаси «Соғлом авлод учун» нодавлат нотижорат халқаро хайрия фонди ҳамкорлигидаги келишувлар асосида ўтказилган.
Изоҳ (0)