Давлат хавфсизлик хизмати томонидан ўтказилган тезкор тадбир давомида Когон шаҳрида жиҳодчилик яширин диний-экстремистик гуруҳи фош қилинди. Бу ҳақда «Podrobno.uz» хабар бермоқда.
Когон шаҳрида яшовчи 28 ёшдан 31 ёшгача бўлган олти нафар фуқаро 2017 йил бошида «жиҳодчилик» диний-экстремистик оқимининг яширин ячейкасини тузган ва қатор халқаро террорчилик ташкилотларига аъзо бўлиш ва Афғонистонга «ҳижрат» қилиш учун ғоявий тайёргарлик олиб борган.
Қўлга олинганлар доимий равишда террорчилик ташкилотларининг Суриядаги маънавий етакчилари чақириқлари билан телефон орқали танишиб борган ва ўрганган. Ўз навбатида, улар чақириқлардаги бузғунчи ғояларни атрофидагиларга ҳам ёйган.
Улардан Ўзбекистонда тақиқланган экстремистик мазмундаги адабиётларнинг электрон нусхалари олиб қўйилган. Мазкур қўлланмалар ўрганиб чиқилган. Натижада ундаги ғоялар «жиҳод» ва «ҳижрат»га чақириши, шунингдек, Ўзбекистондаги мавжуд Конституциявий тузумни ағдаришга ундаши маълум бўлган.
Мазкур ҳолат юзасидан ДХХ Бухоро вилояти бошқармаси томонидан Ўзбекистон Республикаси ЖКнинг 159 (Ўзбекистон Республикасининг конституциявий тузумига тажовуз қилиш), 244-2-моддалари (Диний экстремистик, сепаратистик, фундаменталистик ёки бошқа тақиқланган ташкилотлар тузиш, уларга раҳбарлик қилиш, уларда иштирок этиш) билан жиноий иш очилган. Айни вақтда тергов ҳаракатлари олиб бориляпти.
Изоҳ (0)