Япония Курил ороли яқинида жойлашган Эсанбе Ханакита Кодзима оролидан маҳрум бўлди. Бу ҳақда Meduza хабар берди.
Эсанбе Ханакита Кодзима 2014 йилгача ўз номига эга бўлмаган, одам яшамайдиган орол ҳисобланади.
Тахмин қилинишича, оролнинг денгиз сатҳидан кўтарилиб турадиган қисмини тўфонлар ва музларнинг кўчишлари бузиб юборган. 1987 йилда Япония қирғоқ қўриқлаш хизмати сўнгги марта оролда ўлчаш ишларини олиб борганда, унинг денгиз сатҳидан баландлиги атиги 1,4 метрни ташкил қилган.
Япония ОАВларининг қайд этишича, оролнинг йўқолиши ундан 500 метр узоқликда жойлашган Хоккайдо ороли аҳолисига сезилмасдан юз берган. Қуруқликнинг йўқ бўлиб қолганига уни томоша қилиш учун келган одамлар яшамайдиган ороллар ҳақидаги китоб муаллифи Хироси Симидзу эътибор қаратган.
Оролнинг йўқ бўлиб кетиши ҳужжатларда расман қайд этилганидан кейин Япония иқтисодий ҳудудининг чегарасини қайта кўрб чиқиш керак бўлади. Чегара тахминан 500 метрга қисқаради.
Изоҳ (0)