Парижда автобус ҳайдовчиси ногиронлиги бўлган шахсга жой беришдан бош тортган йўловчиларнинг барчасини транспортдан тушириб юбориб, ногиронлик аравачасида ўтирган эркакка жой берди, деб ёзади «Газета.uz».
Склероздан азият чекувчи ва ногиронлик аравачасида ҳаракатланувчи Франсуа ле Берр бекатлардан бирида автобусга ўтирмоқчи бўлди, лекин йўловчилардан ҳеч бири унга жой беришни истамади.
Исми ошкор қилинмаган ҳайдовчи ушбу ҳолатни кўриб, йўловчилардан автобусни тарк этишни сўраган. Сўнгра у Франсуа ле Беррга жой бериб, эшикларни ёпган ва ягона йўловчи билан ҳаракатни давом эттирган.
Париждаги автобусларда ногиронлик аравачаси учун бир ёки иккита жой ажратилган бўлиб, йўловчилар ногиронлиги бўлган шахс чиққанида унга жой бериши кераклиги белгиланган.
Париждаги RATP автобуслар оператори ижтимоий тармоқлар орқали ушбу ҳайдовчини топишга ёрдам беришни сўраб мурожаат қилганида, фойдаланувчилар компания уни жазолаши мумкинлигидан хавотирга тушди. Бироқ, RATP вакили гап жазо ҳақида кетмаётганлигини, ҳайдовчи ўз йўловчиси манфаати учун намунали иш қилганини маълум қилди.
Изоҳ (0)