Ўзбекистонда 2019 йилдан меҳнат дарфтарчасидан воз кечилади, унинг ўрнига электрон база жорий этилади. Бу ҳақда 2018 йилда давлат бюджетини амалга ошириш ва 2019 йил учун асосий параметрларни аниқлаш бўйича ўтказилган конференцияда молия вазирининг ўринбосари Дилшод Султонов айтиб ўтди, дея хабар берди «Turon 24».
«Меҳнат дафтарчалари бизда СССР давридан қолган ва фойдаланиш учун жуда ноқулай. Улардан воз кечиш вақти келди. 2019 йилдан ишга кирмоқчи бўлган ходимлар меҳнат дафтарчасини очишларига тўғри келмайди, эндиликда улар шунчаки ўз маълумотларини электрон базага киритишса бас», — деди Дилшод Султонов.
Бўлажак базада ходимнинг барча меҳнат фаолияти ва даромади акс этади. Керакли маълумотни ходимнинг паспорт маълумотларини базага киритган ҳолда олиш мумкин бўлади.
«Ҳозир солиқ идораси электрон базанинг асосини ишлаб чиқмоқда ва ушбу дастур деярли тайёр. Эндиликда ўз ойлик маошингиз ҳақида Telegram’даги @oylikuzbot орқали билиб олиш мумкин. Ушбу бот қанча ойлик маош тўлангани ва қанчаси солиққа ушлаб қолинганини кўрсатади. Шунингдек, бот маошнинг қанча фоизи нақд пулда ва қанчаси пластик картада берилганини кўрсатади», — деди Дилшод Султонов.
Изоҳ (0)