Ўзбекистон Президентининг 2018 йил 2 ноябрдаги фармонига асосан Рашид Раҳматов Бош прокурор ўринбосари лавозимига тайинланди. Бу ҳақда Бош прокуратура матбуот хизмати маълум қилди.
Рашид Раҳматов 1978 йилда туғилган, маълумоти олий, ҳуқуқшунос. 2004 йилда Тошкент давлат юридик институтини тамомлаган.
Прокуратура органларидаги иш фаолиятини 2004 йилда Навоий шаҳар прокуратурасидан бошлаган. 2009 йилдан Бош прокуратура бошқарма прокурори, катта прокурори, Бухоро шаҳар прокурори, Бош прокуратура бошқарма бошлиғи ўринбосари, бошқарма бошлиғи лавозимларида фаолият юритган.
У 2017 йилнинг ноябрь ойидан шу вақтгача Қорақалпоғистон Республикаси прокурори лавозимида ишлаб келаётганди.
Изоҳ (0)