Чилонзор туманида бир оиланинг 4 нафар фарзанди бир кунда вафот этиши юзасидан Тошкент шаҳар прокуратураси томонидан ЖКнинг 259-моддаси 2-қисми (ёнғин хавфсизлиги қоидаларини бузиш) билан жиноят иши қўзғатилган. Бу ҳақда Бош прокуратура матбуот хизмати маълум қилди.
Судга оид тиббиёт экспертизасининг 2018 йил 31 октябрдаги хулосасига кўра, Азиза Акбарова (1996- йил), Эъзоза Акбарова (2001 йил), Ирода Акбарова (2003 йил) ва Фаррух Акбаров (2012 йил) нинг ўлими ис газидан ўткир заҳарланиш, бош мия ва ўпка шиши оқибатида келиб чиққан.
Тергов ҳаракатлари Тошкент шаҳар прокуратурасида тузилган тергов гуруҳи томонидан олиб борилмоқда. Бош прокуратура томонидан тергов ҳаракатлари устидан тегишли назорат ўрнатилган.
Изоҳ (0)