AIBA техник қўмитаси раҳбари Пэт Фиако Токио—2020 Олимпиадасида боксчиларнинг нечта вазн тоифасида медаллар учун баҳсларга киришишини маълум қилди.
У бу ҳақда, кеча, 2 ноябрь куни Россиянинг Москва шаҳрида Халқаро ҳаваскорлар бокс ассоциацияси — AIBA’нинг 2018 йилги конгрессидаги ҳисоботида эълон қилди. 2020 йилги Олимпиадада эркаклар 8 та вазн тоифасида, аёллар эса 5 та вазн тоифасида рингга кўтарилади.
Токиодаги мусобақаларда эркак боксчилар сони 214, аёл боксчилар сони эса 72 нафар ташкил этадиган бўлди.
Эркаклар вазн тоифалари: -52 кг, -57 кг, -63 кг, -69 кг, -75 кг, -81 кг, -91 кг, +91 кг.
Аёллар вазн тоифалари: -51 кг, -57 кг, -60 кг, -69 кг, -75 кг.
Изоҳ (0)