АҚШнинг Калифорния штати қирғоғида балиқчилар арқонга ўралиб қолган китни кўриб қолди. Эркаклардан бири уни қутқариш учун сувга пичоқ билан сакради. Бу ҳақда «Корреспондент.net» хабар берди.
Балиқчилар овдан қайтаётган вақтда сувдаги белгининг арқонига ўралиб қолган ҳайвонни кўриб қолган. Эркаклар қирғоқ қўриқлаш хизматини чақирган ва бир неча соат давомида китни озод қилиш учун бесамар уринган.
Қирғоқ қўриқлаш хизмати ёрдам бера олмаслигини маълум қилганда ҳайвонни унинг думига боғланиб қолган битта арқон ўраб турган эди. Балиқчилар китни мустақил равишда қутқаришга қарор қилган. Улардан бири пичоқни тишлаган ва учинчи уринишда китнинг елкасига сакраб тушишга муваффақ бўлган.
Эркак арқонни кесиб, китни озод қилгунича уч соат ўтган.
Изоҳ (0)