Ўзбекистон Матбуот ва ахборот агентлиги 8 декабрь – Ўзбекистон Республикаси Конституцияси қабул қилинганлигининг 26 йиллиги муносабати билан Ўзбекистон футбол ассоциацияси кўмагида телевидение, радио, матбуот нашрлари, интернет сайтлари, нашриёт-матбаа ижодий уйлари жамоалари ўртасида Агентлик кубоги учун мини-футбол мусобақаси ўтказилишини эълон қилди.
Мусобақа 5 та гуруҳга бўлинган жамоалар ўртасида ташкил этилади.
«А» гуруҳида Ўзбекистон телевидениелари, «Б» гуруҳида радиоканаллари, «С» гуруҳида республика газета ва журналлари таҳририятлари, «Д» гуруҳида интернет тармоғида ОАВ сифатида фаолият кўрсатаётган веб-сайтлар, «E» гуруҳида агентлик тизимидаги корхоналарнинг жамоалари ўзаро беллашади.
Жамоалар йўналишидан келиб чиқиб, битта таҳририятдан ёки бир йўналишдаги бир нечта таҳририят вакилларидан тузилиши, жамоа аъзоларининг умумий сони 8 нафардан кам бўлмаслиги лозим.
Учрашувлар Ўзбекистон футбол ассоциацияси томонидан ажратиладиган тажрибали ҳакамлар иштирокида мини-футбол қоидаларига кўра ташкил қилинади.
Мусобақада иштирок этиш учун аризалар ҳамда жамоалар рўйхати жорий йилнинг 1 ноябридан 15 ноябрига қадар Ўзбекистон Матбуот ва ахборот агентлиги томонидан қабул қилинади. Жамоалар мусобақада иштирок этиш ҳақида:
- Ариза;
- Жамоа рўйхати;
- Жамоа аъзоларининг ҳар бири ОАВ ёки нашриётда ишлаши ҳақидаги маълумот нусхасини тақдим этиши лозим.
- 1-ўринни эгаллаган жамоа аъзоларининг ҳар бирига китоблар жамланмаси, мусобақа кубоги ҳамда жамоага 10 миллион сўм пул маблағи.
- 2-ўринни эгаллаган жамоа аъзоларининг ҳар бирига китоблар жамланмаси ҳамда жамоага 8 миллион сўм пул маблағи.
- 3-ўринни эгаллаган жамоа аъзоларининг ҳар бирига китоблар жамланмаси ҳамда жамоага 6 миллион сўм пул маблағи.
Футбол учрашувлари Ўзбекистон футбол ассоциациясининг сунъий қопламали майдонларида 2018 йилнинг 1—5 декабрь кунлари бўлиб ўтади.
Изоҳ (0)