Россиялик ҳарбий эксперт Александр Жилин Россия чегараларига «Самарқанд» радиоэлектрон кураш комплексларини жойлаштириш зарурати қаердан пайдо бўлганини маълум қилди.
«Sputnik»нинг ёзишича, бунга АҚШ ўрта ва қисқа масофаларга мўлжалланган ракеталар бўйича шартномадан чиқиш режаларини эълон қилгани сабаб бўлган.
«Афсуски, ҳамкорларимиз юзага келаётган таҳдидларга муносабат билдиришимизга мажбур қилмоқда. АҚШ, Шарқий Европа мамлакатларининг хаспўшлаши билан, эҳтимолий ҳарбий тўқнашув оқибатларини ўйламай, Россия чегаралари яқинига ракета мажмуаларини жойлаштирмоқда. Москва эса, ўз навбатида, бунга муносиб жавоб қайтаришга тайёр, лекин у сўнгги лаҳзагача қон тўкилишининг олдини олишга интилади, хусусан, «Самарқанд» каби душман ускуналарини зарарсизлантирувчи мажмуаларни ўрнатиш орқали. Бу ўша Шарқий Европа мамлакатларидаги аҳоли орасидаги йўқотишларни ҳам камайтириш имконини беради», — деди Жилин.
Аввалроқ Россиянинг Мурманск, Калининград, Нижний Новгород, Москва вилоятлари, Краснодар ва Приморье ўлкалари, Яҳудийлар мухтор вилояти ва Беларусдаги 13 та ҳарбий қисмга «Самарқанд» радиоэлектрон кураш комплекслари жойлаштирилгани ҳақида хабар берилган эди.
Изоҳ (0)