Россия Мудофаа вазирлиги Россия ва Беларуснинг турли ҳудудларидаги ҳарбий қисмларга «Самарқанд» радиоэлектрон кураш комплексларини жойлаштирган. Бу Россия давлат харидлари сайтидаги ушбу комплексларни таъмирлаш ва уларга хизмат кўрсатиш учун берилган аризадан маълум бўлди, дея хабар бермоқда Meduza.
Аризадан маълум бўлишича, Архангел, Калининград, Москва, Мурманск, Нижний Новгород вилоятлари, Краснодар ва Приморье ўлкалари, Яҳудийлар мухтор вилояти ва Беларусдаги 13 та ҳарбий қисмларга 16 та «Самарқанд» комплекслари жойлаштирилган. «Интерфакс»нинг ёзишича, улар Россия ҳарбий-денгиз флоти объектларида жойлашган.
Радиоэлектрон кураш комплексларининг асосий вазифаси душман коммуникациялари фаолиятига халал бериш ва уларни ишдан чиқаришдан иборат.
Россия ҳарбий-денгиз флоти объектлари «Самарқанд» комплекслари ўрнатилаётгани ҳақида 2017 йили маълум бўлган эди. Айни вақтда россиялик ҳарбийлар ушбу комплексга доир тафсилотларни маълум қилмаган.
Изоҳ (0)