АҚШнинг Питтсбург шаҳридаги синагогга ҳужум қилишда гумонланаётган Роб Бауэрга нисбатан 29 ҳолат бўйича айблов эълон қилинди. «РИА Новости»нинг қайд этишича, Бауэр келтириб чиқарган отишма оқибатида 11 киши ҳалок бўлган.
Аввалроқ АҚШ бош прокурори Дефф Сешнс гумонланувчига нисбатан ўлим жазосини назарда тутувчи жиноятлар бўйича айблов эълон қилинишини маълум қилганди. Бауэрга нисбатан зўрлик ишлатиш ва ўқотар қуролдан фойдаланиш билан боғлиқ жиноятларни содир этганлик бўйича айблов эълон қилинди.
Питтсбургдаги синагогга ҳужум маҳаллий вақт билан 27 октябрь куни тонгда, ибодатхонага ташрифчилар йиғилаётган вақтда юз берган. Ўқотар бино ичига кириб, яҳудийларга қарши қаратилган гап-сўзларни айтган ва ўқ узишни бошлаган. Воқеа жойига полиция етиб келганидан сўнг, отишма бошланган.
Отишма оқибатида 11 киши ҳалок бўлган, яна олти киши, хусусан, тўрт полициячи яраланган. Ҳужум қилган шахс — 48 ёшли Роб Бауэрнинг ўзи кейинроқ полицияга таслим бўлган; у ярадор ҳолида касалхонага ётқизилган. Америка ОАВлари Бауэрнинг ижтимоий тармоқлардаги саҳифаларига асосланиб ёзишича, у нацистлар ва Адольф Гитлер тарафдори.
АҚШ президенти Дональд Трамп Питтсбургдаги фавқулодда вазиятдан сўнг бегуноҳ одамларни ўлдираётганлар бу қилмишлари энг учун «энг олий ҳақ»ни тўлашлари учун ўлим жазосига доир қонунларни янада қатъийлаштириш зарурлигини таъкидлади. Трамп фожиа юз берган шаҳарга боришини ҳам маълум қилган.
Изоҳ (0)