«Донецк халқ республикаси» тарафида туриб Украина ҳукумат қўшинларига қарши жанг қилган асли ўзбекистонлик Руслан Бобожонов озодликка чиқариб юборилди. Бу ҳақда «Podrobno.uz» хабар бермоқда.
Руслан Бобожонов сентябрь ойи охирида Нижний Новгород аэропортидаги одатий ҳужжат текшируви вақтида қўлга олинган эди. Ўзбекистоннинг собиқ фуқароси хорижий давлат ҳудудидаги жанговар ҳаракатларда қатнашишда гумон қилиниб, Ўзбекистон томонидан Интерпол орқали қидирувга берилган бўлган.
Қўлга олинганидан сўнг, уни Ўзбекистонга топшириш масаласи кўриб чиқилиши керак эди. Бироқ, «Комсомольская правда» газетасининг хабар беришича, нафақат бу газетанинг, балки россиялик бир қатор депутатлар, коммунистларнинг аралашуви билан собиқ жангари ҳибсдан қўйиб юборилган.
Изоҳ (0)