“Donetsk xalq respublikasi” tarafida turib Ukraina hukumat qo‘shinlariga qarshi jang qilgan asli o‘zbekistonlik Ruslan Bobojonov ozodlikka chiqarib yuborildi. Bu haqda “Podrobno.uz” xabar bermoqda.
Ruslan Bobojonov sentabr oyi oxirida Nijniy Novgorod aeroportidagi odatiy hujjat tekshiruvi vaqtida qo‘lga olingan edi. O‘zbekistonning sobiq fuqarosi xorijiy davlat hududidagi jangovar harakatlarda qatnashishda gumon qilinib, O‘zbekiston tomonidan Interpol orqali qidiruvga berilgan bo‘lgan.
Qo‘lga olinganidan so‘ng, uni O‘zbekistonga topshirish masalasi ko‘rib chiqilishi kerak edi. Biroq, “Komsomolskaya pravda” gazetasining xabar berishicha, nafaqat bu gazetaning, balki rossiyalik bir qator deputatlar, kommunistlarning aralashuvi bilan sobiq jangari hibsdan qo‘yib yuborilgan.
Izoh (0)