Қашқадарё вилояти Ғузор туманида жойлашган ҳарбий қисмлардан бирида тумандаги академик лицей, коллеж ҳамда умумтаълим мактаб ўқувчилари учун «Очиқ эшиклар» куни ташкил этилди. Бу ҳақда Мудофаа вазирлиги матбуот хизмати «Дарё»га маълум қилди.
Ҳарбий қисмга экскурсия уюштирган 300 нафарга яқин ўқувчи ёшлар ҳарбий техника ва қурол-яроқлар, уларнинг техник тавсифлари билан таништирилди. Фавқулодда ҳолатларда жароҳат олганларга биринчи ёрдам кўрсатиш, ҳужум вақтида турли манёврларни амалга ошириш, ўзини ҳимоя қилиш бўйича маълумотлар берилди.
Шу билан бир қаторда ёшлар ва муддатли ҳарбий хизматчилар ўртасида ватанпарварлик руҳидаги шеър ва қўшиқлар танлови ўтказилди, ҳарбий ҳизматчилар томониданжанговор чиқишлар намойиш этилди. Тадбир давомида ўз шижоати ва ташаббускорлигини намойиш этган ўқувчиларга фахрий ёрлиқ ва эсдалик совғалари топширилди.
Изоҳ (0)