Ички ишлар органлари ходимлари байрамида Фарғона шаҳар ички ишлар органлари фаолиятини мувофиқлаштириш бошқармасининг янги биноси фойдаланишга топширилди. Бу ҳақда «Дарё» мухбири Азизжон Эрматов хабар берди.
Бинонинг очилиш маросимига бағишлаб ўтказилган тантанали тадбирда вилоят ҳокимлиги, ички ишлар бошқармаси ҳамда Фарғона шаҳар ҳокимлиги расмийлари, фахрийлар, кенг жамоатчилик вакиллари иштирок этди.
«Фарғона шаҳар ички ишлар бўлими негизида Ички ишлар органлари фаолиятини мувофиқлаштириш бошқармаси ташкил этилган бўлиб, ўтган вақт мобайнида бу ўзгариш ўз самараси берди. Ички ишлар органлари халққа янада яқинлашиб, кўплаб жиноятлар сезиларли равишда камайди. Янги бинонинг очилиши касб байрамига муносиб туҳфа бўлди», – деди Фарғона вилояти ички ишлар бошқармаси бошлиғи Раҳматжон Маматов.
Maxсус лента қирқилиб, бинонинг рамзий калити Фарғона шаҳар ички ишлар органлари фаолиятини мувофиқлаштириш бошқармаси бошлиғига топширилгач, меҳмонлар бу ерда яратилган шарт-шароитлар, янги жиҳозлар, замонавий ахборот-коммуникация технологиялари билан танишди.
Изоҳ (0)