25 октябрь санасида Европа Лигаси мусобақасининг 3-тур баҳслари бўлиб ўтгани ҳақида хабар берилганди. УЕФА ташкилоти мазкур турнинг энг яхши ўйинчиси номини маълум қилди. Бу ҳақда ташкилотнинг Twitter’даги расмий саҳифасида хабар берилди.
Унга кўра, даъвогарлар орасидан «РБ Зальцбург» ҳужумчиси Мунас Даббур, «Челси» ярим ҳимоячиси Рубен Лофтус-Чик, «Бетис» ҳужумкор ярим ҳимоячиси Жовани Ло Чельсо ва «Фенербахче» ҳужумчиси Михаэл Фрай ўрин олганди. Мазкур ўйинчилар орасида БАТЭга (3:1) қарши баҳсда 3 та гол уриб, ҳет-трик қайд этган Рубен Лофтус-Чик энг кўп овоз тўплаб турнинг энг яхши ўйинчиси бўлди.
Маълумот учун, Мунас Даббур «Русенборг» (3:0) билан ўйинда 2 та гол киритишга эришди, Жовани Ло Чельсо «Милан»(2:1) билан учрашувда 1 та гол ва 1 та голли узатмани амалга оширди, Михаэл Фрай ҳам «Андерлехт»га (2:2) қарши баҳсда 1 та гол уриб, 1 та голли узатма берди.
Изоҳ (0)