25-oktabr sanasida Yevropa Ligasi musobaqasining 3-tur bahslari bo‘lib o‘tgani haqida xabar berilgandi. UEFA tashkiloti mazkur turning eng yaxshi o‘yinchisi nomini ma’lum qildi. Bu haqda tashkilotning Twitter’dagi rasmiy sahifasida xabar berildi.
Unga ko‘ra, da’vogarlar orasidan “RB Zalsburg” hujumchisi Munas Dabbur, “Chelsi” yarim himoyachisi Ruben Loftus-Chik, “Betis” hujumkor yarim himoyachisi Jovani Lo Chelso va “Fenerbaxche” hujumchisi Mixael Fray o‘rin olgandi. Mazkur o‘yinchilar orasida BATEga (3:1) qarshi bahsda 3 ta gol urib, het-trik qayd etgan Ruben Loftus-Chik eng ko‘p ovoz to‘plab turning eng yaxshi o‘yinchisi bo‘ldi.
Ma‘lumot uchun, Munas Dabbur “Rusenborg” (3:0) bilan o‘yinda 2 ta gol kiritishga erishdi, Jovani Lo Chelso “Milan”(2:1) bilan uchrashuvda 1 ta gol va 1 ta golli uzatmani amalga oshirdi, Mixael Fray ham “Anderlext”ga (2:2) qarshi bahsda 1 ta gol urib, 1 ta golli uzatma berdi.
Izoh (0)