Кеча, 25 октябрь санасида «Арсенал» Европа Лигаси 3-турида сафарда «Спортинг»дан (0:1) устун келди.
Шу тариқа Унаи Эмери шогирдларининг мавсум аввалидаги 2 та («Манчестер Сити» 0:2 ҳисобида, «Челси»га эса 2:3) мағлубиятдан сўнг бошланган ғалабали учрашувлари серияси 11 та ўйинга етди. Бу жамоанинг сўнгги 11 йиллик тарихидаги энг яхши натижасидир. 2007 йилда «канонирлар» 12 та ўйинда кетма-кет ғалаба қозонган.
Шунингдек, Лондон клуби бош мураббийи Унаи Эмери Европа Лигасидаги сўнгги бешта ўйиндаги бешинчи ғалабасига эришди. Эмери қўл остидаги жамоалар билан Европа Лигасида 34 та ўйинда ғалаба қозонган. Бу эса мусобақа тарихидаги рекорд натижа саналади.
Маълумот учун, Эмери «Севилья» билан Европа Лигаси мусобақасида кетма-кет 3 марта ғолиб чиққан.
Изоҳ (0)