Меркурий тупроғида сув изларини орбитадан туриб излашга қодир бўлган Россия гамма-спектометри Европанинг БепиCоломбо аппаратида 20 октябрь куни сайёрга жўнатилади. Бу ҳақда «РИА Новости» хабар берди.
Бу Россиянинг Европа космик илмий аппарати учун илмий қурилма етказиб бериш бўйича очиқ танловда ютиб чиқишга биринчи уриниш бўлган. Қурилма тўлиқ Россия маблағи ҳисобига тайёрланган. Унинг бортига эса «Россияда ишлаб чиқарилган» деган ёзув туширилган.
Қайд этилишича, аппарат Меркурий тупроғидаги кимёвий моддалар таркибини тадқиқ қилади, шунингдек, сайёранинг Қуёш ёритмайдиган қутбга яқин қисмларида муз изларини излайди, у жойларда манфий кўрсаткичли ҳарорат ҳукмронлик қилади.
Бепиcоломбо аппарати Европанинг «Ариан-5» ракетасида учирилади. Парвоз етти йил давом этади, аппарат Венерани икки марта айланади ва Ернинг яқинидан ўтади, доимий пасайиш билан Меркурий атрофида бир неча марта айланади. Bepicolombo Меркурий орбитасида иккита аппаратга бўлинади — магнит сферали орбитер ва планетар орбитер.
Изоҳ (0)