New Horizons zondi jamoasi Pluton orbitasida orbital platforma yaratish bo‘yicha dastlabki rejalarini taqdim etdi. Platforma mukammal “gravitatsion” dvigatel tufayli bir vaqtning o‘zida sayyoraning barcha yo‘ldoshlarini o‘rganadi. Bu haqda “RIA Novosti” xabar berdi.
New Horizons missiyasi rahbarining aytishicha, Pluton va uning yo‘ldoshlarini bir vaqtning o‘zida tadqiq qilishga qaror qilingan.
2015-yilning iyul oyida mazkur zond Pluton tizimiga yetib borgan hamda kichik sayyoradan 13 ming kilometr masofada uchib o‘tib, uning yuzasi va yo‘ldoshlarining batafsil suratlarini olgan. Bu tasvirlarda odamzot ilk marta Plutonning mashhur “yuragi”ni, yo‘ldosh tekisligini, shuningdek, o‘ziga xos muz daryolari va vulqonlarning izlarini ko‘rdi
Bu tasvirlar va ma’lumotlar insoniyatning Pluton haqidagi tasavvurlarini butunlay o‘zgartirib yubordi. Sayyora yuzasi doimiy o‘zgarib turadigan juda murakkab va “tirik” dunyo bo‘lib chiqdi.
2017-yilda jamoa missiyaning oraliq natijalarini sarhisob qilib, sayyoraga yana bitta zondi yuborish haqida o‘ylab qolgan. Bu safar zond uning atrofidan shunchaki uchib o‘tishi emas, balki uni barqaror orbitadan o‘rganishi kerak bo‘ladi. Missiya rahbarining so‘zlariga ko‘ra, NASA zond emas, balki Marsda yuruvchi Curiosity’ga o‘xshash apparat jo‘natsa, bu o‘ta maqbul qaror bo‘ladi.
Izoh (0)