Бугун, 24 октябрь санасида футбол бўйича Ўзбекистон Суперлигаси 27-туридан ўрин олган 3 та учрашув бўлиб ўтди.
Хусусан, чемпионлик учун курашаётган «Пахтакор» жамоаси сафарда «Бунёдкор»га қарши майдонга тушиб,0:2 ҳисобидаги ғалабани қўлга киритди. Голларга Тиаго Безерра ҳамда Жамшид Искандеров муаллифлик қилди.
Кучли олтиликда бораётган «Бухоро» клуби эса ўз уйида Бекободнинг «Металлург»ини қабул қилиб, 1:0 ҳисобида ғалаба қозонди. Ягона гол 16-дақиқада Акобир Тўраев томонидан киритилди.
Пастки олтиликда Суперлигада қолиш учун курашаётган Фарғонанинг «Нефтчи» жамоаси водий дербисида «Қўқон-1912» клубига қарши майдонга тушиб, 0:2 ҳисобида мағлуб бўлди. Иккала гол ҳам Дарко Гожкович ҳисобига ёзилди.
Pepsi Суперлига
27-тур беллашувлари
24 октябрь, чоршанба
Изоҳ (0)