Абонентларни сифатли мобил алоқа ва интернет билан таъминлаш, шубҳасиз, Ucell мобил оператори олдида турган муҳим вазифалар ҳисобланади. Аммо, шу билан бир қаторда, ўз мижозларига қулай ва сифатли хизмат кўрсатилишини йўлга қўйиш ҳам компания учун муҳим аҳамиятга эга.
16 октябрь куни, совуқ ва булутли об-ҳавога қарамасдан, Қўқон шаҳри аҳолиси Ucell уяли алоқа операторининг абонентларга хизмат кўрсатишга мўлжалланган янгиланган офиси очилиш маросимига ташриф буюрди. Янгиланган офис қўқонликларни байрамона кайфият билан илиқ кутиб олди. Замонавий интерьер дизайни ва абонентларга хизмат кўрсатишда қўшимча қулайлик яратадиган янгиликлар, мисол учун электрон навбат тизими офисга келганларнинг эътиборини жалб қиларди.
Анъанага биноан очилиш маросими Ucell компанияси топ-менежерлари ва Фарғона вилояти ҳокими ўринбосарининг нутқларидан бошланди ҳамда улар қизил тасмани тантанали кесган ҳолда янгиланган офисни очиб бердилар. Шундан кейин чиройли рақслар, оромбахш қўшиқлар, қизиқарли танловларни ўз ичига олган шоу-дастур ўтказилиб, меҳмонларнинг олқишлари маросимга байрамона шукуҳ бағишлади. Қувноқ кайфият ва ажойиб байрамона руҳ ташкилотчилар, иштирокчилар ва меҳмонларни шу қадар қамраб олган эдики, ҳамма тўсатдан келган совуқ ҳаво ҳақида унутиб юборди.
Маросимга келган аҳолининг кўпчилиги Ucell компаниясидан ёқимли совғалар ва чиройли рақамлар билан уйга қайтди, офисга биринчи бўлиб ташриф буюрган 10 нафар меҳмонларга эса мобил операторнинг махсус совғалари топширилди!
Одамлар ОАВ билан чин кўнгилдан суҳбат қилишди, интервью беришди ва компания ходимлари билан ўз таассуротларини баҳам кўришди. Қўқон шаҳри Ёшлар иттифоқи аъзоси, Комолов Дониёржон ушбу тадбирни қуйидагича таърифлади: «Ucell офисининг очилиши бугун биз учун чинакам байрамга айланди. Мобил операторга совғалар ва ажойиб кайфият учун миннатдорчилик билдираман. Келгуси фаолиятида муваффақиятлар тилайман!».
Маҳаллий телевидениега берилган интерю асносида, Ucell компаниясининг Бош директори Тону Грюнберг шундай деди: «Қўқондаги офиснинг янгиланиши биз учун мижозларга яқин бўлиш ва уларга ўз хизматларимизни энг юқори даражада тақдим қилиш қанчалик муҳимлигини кўрсатишда яхши имконият бўлди. Умид қиламанки, эндиликда Қўқон аҳолиси учун бизнинг офисларда хизмат кўрсатилиши янада қулай ва ёқимли бўлади».
Биз эса навбатдаги очилиш маросимларини кутиб қоламиз!
Реклама ҳуқуқи асосида
Изоҳ (0)