Иккинчи жаҳон уруши вақтида амалга оширилган «Ганнерсайд» операцияси раҳбари норвегиялик Йоахим Реннеберг 99 ёшида вафот этди. Диверсантнинг вафоти ҳақида Reuters хабар берди.
Реннеберг 1943 йилда Норвегиядаги Веморк электростанциясида оғир сув ишлаб чиқаришни йўқ қилиш бўйича диверсияга бошчилик қилган. Оғир сувни ишлаб чиқариш кейинчалик атом бомбасини ривожлантириш учун муҳим аҳамиятга эга бўлган. Операцияга раҳбар этиб тайинланганда, Реннеберг 23 ёшда бўлган.
«Ганнерсайд» операцияси Веморкка ҳужум қилиш учун иккинчи уриниш бўлган. Биринчи уриниш ноқулай об-ҳаво сабабли муваффақиятсизликка учраган: диверсантларнинг бир қисми парашутда тушиш вақтида қояларга урилган, қолганлар эса Гестапо томонидан асирга олинган. Иккинчи уринишда ҳарбийлар вазифани бажарган, операциядан кейин завод қайта тикланмаган, қолган сув эса Германияга олиб кетилган.
Реннеберг 1919 йилда Норвегиянинг Олесунн шаҳарида туғилган. Немислар 1940 йилда Германияга бостириб киргач, Буюк Британияга қочиб кетган. У ерда эса Реннеберг ҳарбий тайёргарликни ўтаган ва Веморк миссиясини бажариш учун тайинланган. Иттифоқчилар ғалабасидан кейин у радиомухбир бўлган.
Изоҳ (0)