Ikkinchi jahon urushi vaqtida amalga oshirilgan “Gannersayd” operatsiyasi rahbari norvegiyalik Yoaxim Renneberg 99 yoshida vafot etdi. Diversantning vafoti haqida Reuters xabar berdi.
Renneberg 1943-yilda Norvegiyadagi Vemork elektrostansiyasida og‘ir suv ishlab chiqarishni yo‘q qilish bo‘yicha diversiyaga boshchilik qilgan. Og‘ir suvni ishlab chiqarish keyinchalik atom bombasini rivojlantirish uchun muhim ahamiyatga ega bo‘lgan. Operatsiyaga rahbar etib tayinlanganda, Renneberg 23 yoshda bo‘lgan.
“Gannersayd” operatsiyasi Vemorkka hujum qilish uchun ikkinchi urinish bo‘lgan. Birinchi urinish noqulay ob-havo sababli muvaffaqiyatsizlikka uchragan: diversantlarning bir qismi parashutda tushish vaqtida qoyalarga urilgan, qolganlar esa Gestapo tomonidan asirga olingan. Ikkinchi urinishda harbiylar vazifani bajargan, operatsiyadan keyin zavod qayta tiklanmagan, qolgan suv esa Germaniyaga olib ketilgan.
Renneberg 1919-yilda Norvegiyaning Olesunn shaharida tug‘ilgan. Nemislar 1940-yilda Germaniyaga bostirib kirgach, Buyuk Britaniyaga qochib ketgan. U yerda esa Renneberg harbiy tayyorgarlikni o‘tagan va Vemork missiyasini bajarish uchun tayinlangan. Ittifoqchilar g‘alabasidan keyin u radiomuxbir bo‘lgan.
Izoh (0)