Туркия президенти Ражаб Тоййиб Эрдўғон саудиялик журналист Жамол Қошиқчининг Истанбулдаги консулхонада ўлдирилиши тафсилотлари яқин орада маълум қилинишини билдирди. Бу ҳақда «Интерфакс» хабар бермоқда.
«Биз масалага ойдинлик киритишни истаймиз. Мазкур иш бўйича 23 ноябрь, сешанба куни Адолат ва тараққиёт партиясининг парламент гуруҳи билан учрашувда баёнот бераман. Ҳодиса тафсилотлари тўлиқ ошкор қилинади», — дея таъкидлаган Туркия президенти.
Эслатиб ўтамиз, олдинроқ Саудия Арабистони подшоҳи ва валиаҳд шаҳзода Истанбулда ўлдирилган журналистнинг ўғлига ҳамдардлик билдиргани маълум қилинганди.
Изоҳ (0)