Саудия Арабистони подшоҳи Салмон ибн Абдулазиз ва валиаҳд шаҳзода Муҳаммад ибн Салмон Истанбулдаги консулликда ўлдирилган журналист Жамол Қошиқчининг ўғлига қўнғироқ қилиб, ҳамдардлик билдирди. Бу ҳақда мамлакатнинг расмий ахборот агентлиги маълум қилди, дея хабар беради «РБК».
«Валиаҳд шаҳзода Салоҳ Қошиқчига қўнғироқ қилиб, унга ва оиласига Жамол Қошиқчининг ўлими муносабати билан ҳамдардлик билдирди», — дейилади агентлик хабарида.
Агентликка кўра, Саудия Арабистони подшоҳи ҳам шундай қўнғироқни амалга оширган.
Салоҳ Қошиқчи мазкур ҳамдардликлар учун «самимий миннатдорлик» билдиргани маълум қилинган.
Изоҳ (0)