Самарқандда 1 ойлик ўғлини 4 миллион сўмга сотаётган аёл қўлга олинди

15 октябрь куни Самарқанд шаҳрида ўтказилган тезкор тадбирлар давомида ўз фарзандини сотаётган фуқаро қўлга олинди. Бу ҳақда Ўзбекистон Республикаси ИИВ матбуот хизмати хабар бермоқда.

Фуқаро С.Н. ва унинг синглиси М.Н. «Ягона» кафесида бир ойлик ўғли С.Н.ни тўрт миллион сўмга сотаётган вақтда қўлга олинди.

Мазкур ҳолат юзасидан жиноят иши қўзғатилиб, тергов ҳаракатлари олиб борилмоқда.