Ўзбекистон мусулмонлари идораси тасарруфидаги «Вақф» хайрия фонди «Илм йўлида кўмак берамиз» акциясида идора тасарруфидаги таълим муассасаларида таҳсил олувчи 39 нафар намунали ва иқтидорли талабаларнинг тўлов-контракт пулларини тўлаб берди. Бу ҳақда Turon 24 хабар берди.
Ўзбекистон мусулмонлари идорасида мазкур акциянинг биринчи босқичига бағишланган тадбир бўлиб ўтди.
Тадбирда Қуръони Каримни тўлиқ ёдлаган 15 нафар талабага энг кам иш ҳақининг 10 бараваригача пул мукофотлари ва китоблар берилди.
Фонд вакили маълумотига кўра, «Масжид ва мадрасалар учун китоб» акцияси доирасида Ўзбекистоннинг 9 вилоятидаги 306 масжид жами қиймати 367 миллон сўмлик 13 мингдан зиёд диний-маърифий мазмундаги адабиётлар билан ҳам таъминланган.
Изоҳ (0)