Сирдарё вилоятида 24 нафар болага туғилганлик ҳақидаги гувоҳнома топширилди. Бу ҳақда Давлат хизматлари агентлиги Сирдарё вилояти бошқармаси «Дарё»га маълум қилди.
Бу Давлат хизматлари агентлиги Сирдарё вилояти бошқармаси томонидан «Бирорта ҳам боланинг туғилиши қайд этилмасдан қолиши мумкин эмас» ҳамда «Қонун устувор бўлган давлатда ноқонуний турар жойлар бўлиши мумкин эмас» шиорлари остида ўтказилган байрамона тадбир доирасида амалга оширилди.
Шунингдек, 47 нафар фуқарога мулк ҳуқуқини эътироф этувчи туман (шаҳар) ҳоким қарорлари топширилган бўлса, шаърий никоҳ асосида яшаб келаётган 5 нафар оиланинг никоҳлари қонуний қайд этилиб, уларга никоҳ тузилганлиги тўғрисидаги гувоҳномалар тантанали равишда топширилди.
Изоҳ (0)