Жорий йилнинг тўққиз ой ичида судлар 36889 кишига нисбатан 28830 та ишни кўриб чиқди, бу эса 2017 йилга нисбатан ишларнинг 36,5 фоизга ва шахсларнинг 37,9 фоизга камайганини кўрсатади. Бу ҳақида Ўзбекистон Олий судининг расмий вакили Азиз Абидовга таяниб, "Газета.uz" маълум қилди.
Бунда 590 киши оқланди ва реабилитация қилинди, судланганларнинг сони 27193 нафарни ташкил этди, улардан 6696 нафари озодликдан маҳрум этилди, 18,9 минг кишига жазонинг бошқа шакллар қўлланилди ва 1597 киши шартли жазога ҳукм қилинди.
2449 киши озодликдан маҳрум қилиш билан боғлиқ жазо қўлланмаганлиги сабабли суд залида озод этилди, 23487 киши озодликдан маҳрум қилиш жазосини ўташдан шартли равишда муддатидан олдин озод этилди, 7216 кишининг жазоси енгилроқ жазога алмаштирилган, 5462 киши дастлабки тергов органлари томонидан асосланмаган айбловдан четлатилди ёки уларга боғлиқ моддалар қайта тайинланди.
Ўтган йилнинг шу даврига нисбатан қасддан одам ўлдириш, зўрлаш, босқинчилик, талончилик, пора олиш ва пора бериш, порахўрликда воситачилик қилиш, безорилик, автомобиль ўғирлаш, гиёҳвандлик воситалари ёки психотроп моддаларни ноқонуний айланишини ташкил этиш каби жиддий жиноятлар учун судланганлик даражаси пасайган.
Ҳисобот даврида ярашув институтининг фаолияти натижасида 6914 киши жиноий жавобгарликдан озод этилди.
294,2 миллиард сўмдан ортиқ миқдорда моддий зарар етказилган 2980 нафар кишига нисбатан озодликдан маҳрум қилиш билан боғлиқ бўлмаган жазо қўлланилган.
13096 та жиноят иши, яъни барча ҳолатларнинг деярли 46 фоизи сайёр суд мажлисларида кўриб чиқилди.
Бундан ташқари, Олий суднинг жиноят ишлари бўйича суд ҳайъати томонидан 1191 кишига нисбатан 917 та иш назорат тартибида кўриб чиқилди. Қуйи судларнинг 655 кишига нисбатан қарорлари бекор қилинди ва 433 кишига нисбатан суд қарорлари ўзгартирилди.
Изоҳ (0)