Қашқадарё вилоятининг Муборак тумани «Кўҳна шаҳар» маҳалласида яшовчи Ў.Қ. 6 октябрь куни ИИБга ариза билан мурожаат қилган.
У ўз аризасида 28 сентябрдан 5 октябргача бўлган вақт оралиғида номаълум шахслар «Руслан чорвадор инвест» фермер хўжалиги дала майдонидан беш бош қорамолини ўғирлаб кетганликларини маълум қилган.
Ушбу ҳолат юзасидан жиноят иши қўзғатилиб, кўрилган чоралар натижасида ушбу жиноятни «Ўзбекистон» маҳалласида яшовчи Р.Ш. ва унинг ўғиллари — О.Ш. ҳамда А.Ш. содир этганлиги аниқланган.
ИИВ ахборотида қайд этилишича, гумонланувчиларнинг бари ушланган. Ушбу ҳолат юзасидан тергов ҳаракатлари давом этмоқда.
Изоҳ (0)