Бироз олдин ФИФА кунлари доирасида ўтган ўртоқлик баҳида Эктор Купер бошчилигидаги Ўзбекистон миллий терма жамоаси Тошкентда КХДР терма жамоасини 2:0 ҳисобида таслим қилди. Учрашувдан сўнг КХДР терма жамоаси бош мураббийи Ким Ёнг Жун матбуот анжуманида қатнашди.
— Шогирдларим ўйинни ёмон ўтказди деб айта олмайман. Фақат ҳимоядаги баъзи йўл қўйган хатоларимиз ва ҳужум ташкил этишдаги камчиликлар мағлубиятимизга сабаб бўлди, — дея ўйин ҳақидаги фикрларини билдиришни бошлади бош мураббий Ким Ёнг Жун.— Бугун КХДР терма жамоаси жуда кучсиз ўйнади. Бу ўйин амалиёти камлигиданми ёки футболчиларнинг даражаси шундайми?— Балким шундайдир. Зеро терма жамоамиз март ойидан буён расмий ўйинда майдонга тушмади. Биринчи бўлимда дарвозамиздан гол ўтказиб юбордик, бу гол футболчиларнинг асабийлашишига сабаб бўлди.— КХДР одатда ҳужумда яхшироқ ўйнарди. Бугун эса бундай бўлмади...— Биз бу ўйиндан олдин бир неча кунгина машғулот ўтказдик, холос. Бир қатор футболчиларимиз яқиндагина ўз клублари сафида ОФК кубогида майдонга тушганди ва улар ҳали тўлиқ куч билан ўйнашга тайёр эмасди. Рақиб жамоа биздан яхшироқ ўйнади ва якунда Ўзбекистон ғалабани қўлга киритди.— Ўйиндан олдин қандай тактик кўрсатмалар берилганди?— Бугун ўйин бошиданоқ асосан ҳимояга урғу бердик. Рақибга тўпни топшириш ҳамда гол ўтказмаслик ҳақида тактик кўрсатма бергандим.
Изоҳ (0)