Бугун, 13 октябрь санасида ФИФА кунлари доирасида Эктор Купер бошчилигидаги Ўзбекистон миллий терма жамоаси Тошкентда КХДР терма жамоасига қарши майдонга тушди.
«Миллий» (собиқ «Бунёдкор») стадион мезбонлик қилган ўйинда ҳисобни Ўзбекистон терма жамоаси ҳужумчиси Марат Бикмаев очди. 37-дақиқада Элдор Шомуродов тўпни ўнг қанотга оширди. Даврон Ҳошимовнинг ҳаволатиб узатган узатмасини эса Марат Бикмаев корейслар дарвозасига жойлаб қўйди. Иккинчи бўлимнинг 90+1 дақиқасида яна ўша Марат Бикмаев гол уришга эришди. Захирадан ўйинга қўшилган Ҳусниддин Ғофуровнинг узатмасидан сўнг майдонни тенг ярмини бир ўзи босиб ўтган Бикмаев дубл қайд этишга эришди.
Шу тариқа Ўзбекистон терма жамаоси Эктор Купер қўл остида илк ғалабасини қўлга киритди. Бунгача Ўзбекистон термаси Сурия билан дуранг қайд этиб, Эронга эса мағлуб бўлганди.
Учрашувни Дмитрий Машенцев бошчилигидаги қирғизстонлик ҳакамлар бригадаси бошқариб борди.
Ўртоқлик ўйини
13 октябрь, шанба
Ўзбекистон — КХДР 2:0
Гол: 1:0—37 Бикмаев, 2:0—90+1 Бикмаев.Ўзбекистон: 1.Игнатий Нестеров - 24.Даврон Ҳошимов, 31.Егор Кримец, 5.Анзур Исмоилов, 29.Владимир Козак - 7.Азизбек Ҳайдаров (15.Одилжон Ҳамробеков, 36), 16.Отабек Шукуров - 9.Одил Аҳмедов (22.Жавоҳир Сидиқов, 70), 27.Достон Ҳамдамов (17.Иван Нагаев, 67) (6.Ҳусниддин Ғофуров, 83), 14.Элдор Шомуродов (8.Икром Алибоев, 66) - 10.Марат Бикмаев
КХДР: 1.Ри Мёнг Гук (18.Син Хёк, 46), 3.Жан Кук Чол, 5.Ан Сонг Ил, 6.Ри Ун Чол, 7.Канг Кук Чол (2.Ан Ил Бом, 30), 9.Ким Ёнг Ил, 11.Жонг Ил Гван, 19.Рим Кванг Хёк, 20.Ри Тонг Ил, 25.Ким Ю Сонг, 17.Ри Чаг Хо
Изоҳ (0)