Жорий йилнинг 11 сентябрь санасида футбол бўйича Эктор Купер бошчилигидаги Ўзбекистон терма жамоаси Эрон термасига қарши ўртоқлик ўйинида майдонга тушиб, 0:1 ҳисобида имкониятни бой берганди.
Ўша мағлубият сабаб миллий терма жамоанинг ғалабасиз ўйинлар серияси 10 тага етганди.
Бугун, 13 октябрь санасида Купер бошлиқ Ўзбекистон терма жамоаси КХДРни ўртоқлик ўйинида 2:0 ҳисобида мағлуб этди. Шу тариқа 10 ўйинлик ғалабасиз серия ўз ниҳоясига етди. Шу тариқа Ўзбекистон терма жамаоси Эктор Купер қўл остида илк ғалабасини қўлга киритди. Бунгача Ўзбекистон термаси Сурия билан дуранг қайд этиб, Эронга эса мағлуб бўлганди.
Қайд этиш жоиз, Ўзбекистон миллий терма жамоаси охирги марта 2017 йилнинг 6 июнь санасида Тошкентда Таиландни 2:0 ҳисобида мағлуб этганди. Шундан бери жамоа ғалаба қозона олмай келаётганди.
Терма жамоанинг сўнгги 11 та учрашувида қуйидагича натижалар қайд этилган:
3 та дуранг: Жанубий Корея—Ўзбекистон 0:0, Сенегал—Ўзбекистон 1:1, Сурия—Ўзбекистон 1:1;
7 та мағлубият: Ўзбекистон—Эрон 0:2, Ўзбекистон—Хитой 0:1, Ўзбекистон—БАА 0:1, Ўзбекистон—Марокаш 0:2, Ўзбекистон—Эрон 0:1, Ўзбекистон—Уругвай 0:3, Ўзбекистон—Эрон 0:1.
1 та ғалаба: Ўзбекистон—КХДР 2:0.
Тўплар нисбати: 4:13.
Изоҳ (0)