Biroz oldin FIFA kunlari doirasida o‘tgan o‘rtoqlik bahida Ektor Kuper boshchiligidagi O‘zbekiston milliy terma jamoasi Toshkentda KXDR terma jamoasini 2:0 hisobida taslim qildi. Uchrashuvdan so‘ng KXDR terma jamoasi bosh murabbiyi Kim Yong Jun matbuot anjumanida qatnashdi.
— Shogirdlarim o‘yinni yomon o‘tkazdi deb ayta olmayman. Faqat himoyadagi ba’zi yo‘l qo‘ygan xatolarimiz va hujum tashkil etishdagi kamchiliklar mag‘lubiyatimizga sabab bo‘ldi, — deya o‘yin haqidagi fikrlarini bildirishni boshladi bosh murabbiy Kim Yong Jun.— Bugun KXDR terma jamoasi juda kuchsiz o‘ynadi. Bu o‘yin amaliyoti kamligidanmi yoki futbolchilarning darajasi shundaymi?— Balkim shundaydir. Zero terma jamoamiz mart oyidan buyon rasmiy o‘yinda maydonga tushmadi. Birinchi bo‘limda darvozamizdan gol o‘tkazib yubordik, bu gol futbolchilarning asabiylashishiga sabab bo‘ldi.— KXDR odatda hujumda yaxshiroq o‘ynardi. Bugun esa bunday bo‘lmadi...— Biz bu o‘yindan oldin bir necha kungina mashg‘ulot o‘tkazdik, xolos. Bir qator futbolchilarimiz yaqindagina o‘z klublari safida OFK kubogida maydonga tushgandi va ular hali to‘liq kuch bilan o‘ynashga tayyor emasdi. Raqib jamoa bizdan yaxshiroq o‘ynadi va yakunda O‘zbekiston g‘alabani qo‘lga kiritdi.— O‘yindan oldin qanday taktik ko‘rsatmalar berilgandi?— Bugun o‘yin boshidanoq asosan himoyaga urg‘u berdik. Raqibga to‘pni topshirish hamda gol o‘tkazmaslik haqida taktik ko‘rsatma bergandim.
Izoh (0)