Samsung компанияси дунёдаги тўртта модулли камера билан жиҳозланган биринчи смартфонни тақдим этди. Гаджет бу кўринишдаги ягона қурилма ҳисобланади. Бу ҳақда «Корреспондент.net» хабар берди.
Камера модулларининг ҳар бири ўз вазифаси билан фарқланади. 24 мегапикселли асосий камера ёруғлик кам бўлган пайтда аниқлик ва ёрқинликни таъминлайди. 10 мегапикселли иккинчи объектив икки каррали оптик катталаштириш имкониятга эга. Учинчи камера 8 мегапикселли бўлиб, кенг бурчакли ҳисобланади. 5 мегапикселли тўртинчи камера кесимнинг сифатли чуқурлигини ҳосил қилиш учун фойдаланилади. Олд камера ҳам 24 мегапикселли.
Galaxy A9 экранининг диагонали 6,8 дюймни ташкил қилади. Унинг асосига Qualcomm Snapdragon 660 процессори ўрнатилган.
Оператив хотиранинг ҳажми олти гигабайтни, доимий хотира эса 128 гигабайтни ташкил қилади. Бунда microSD ёрдамида унинг хотирасини 512 гигабайтгача етказиш мумкин. Батарея сиғими 3800 миллиамперни ташкил қилади.
Изоҳ (0)