Мактабгача таълим вазирлиги Тошкент шаҳри Мирзо Улуғбек туманида жойлашган 433-сонли мактабгача таълим муассасасида 32 нафар тарбияланувчининг овқатдан заҳарланиши билан боғлиқ вазиятни яқиндан ўрганиб чиқмоқда. Бу ҳақда вазирликнинг Facebook’даги саҳифасида маълум қилинди.
Маълумот вазирликка етиб келгач, MTВ мутахассисларидан иборат комиссия дарҳол воқеа жойига йўл олган.Жойда Бош прокуратура ва Соғлиқни сақлаш вазирлиги вакиллари ҳам иш олиб бормоқда.
«Жиддий ҳолатлар қайд этилмаган, ҳозирги вақтда икки нафар тарбияланувчи касалхонадан уйга қўйиб юборилган, қолган болаларни ҳам уйга қўйиб юбориш ишлари давом этмоқда.Болалар тиббий кўрик ва лаборатория назоратидан ўтказилди. Ушбу суриштирув натижалари яқин вақт ичида эълон қилинади», — дейилади хабарда.
Изоҳ (0)