Ўзбекистон ва Қозоғистон чегараолди ҳудудидаги ҳамкорлик бўйича халқаро марказни ишга тушириш бўйича музокаралар олиб бормоқда. Бу ҳақда «Podrobno.uz» маълум қилди.
Ҳозирда фаолият кўрсатаётган «Хоргос» Қозоғистон—Хитой халқаро чегараолди савдо маркази бунинг учун намуна вазифасини ўташи билдирилмоқда.
«Ўтган йили Қозоғистон орқали юклар транзити 17 фоизга ошди ва салкам 17 миллион тоннани ташкил этди. 2015 йилдан бери мамлакат ялпи ички маҳсулотида транспортнинг улуши 8 фоиздан пастга тушгани йўқ. ’Хоргос’ лойиҳаси муваффақиятли чиққани сабабли ҳозирда Қозоғистон—Ўзбекистон чегарасида ҳам шунга ўхшаш марказни ишга тушириш масаласи кўриб чиқилмоқда», — деди Қозоғистон ташқи ишлар вазири Қайрат Абдураҳмонов.
Олдинроқ Қозоғистон президенти Нурсултон Назарбоев мамлакат ҳукуматига Ўзбекистон билан ҳамкорликда янги халқаро савдо зонаси ва «Туркистон» ўтказиш пунктини очиш масаласини муҳокама қилишни топширганди.
Изоҳ (0)