Хива шаҳрига сайёҳлар учун электромобиллар келтирилди, деб ёзади Spot.
Хабарга кўра, Хива шаҳридаги «Қора кўз транс» МЧЖ билан Хитой Халқ Республикасидаги Wuzhong Compani Limited фирмаси ўртасида 4 дона электромобиль сотиб олиш юзасидан шартнома имзоланган.
«Ушбу шартномага асосан ТИФ Миллий банк томонидан ажратилган кредит маблағлари ҳисобига жами қиймати 37820 АҚШ доллари миқдорида 4 дона электромобиль 2018 йилнинг 30 сентябрь куни Хива шаҳрида фаолият кўрсатаётган ‘Қора кўз транс’ МЧЖ томонидан Хива шаҳрига олиб келинди», дейилади хабарда.
Электромобиллар 14 йўловчига мўлжалланган ўриндиқлар билан жиҳозланган. Янги электромобилларни бошқариш учун ҳайдовчилар танлов асосида ишга қабул қилиниб, 5 та қўшимча ишчи ўринлари ташкил этилади.
Олиб келинган электромобиллар Хива шаҳрига ташриф буюрадиган сайёҳларга хизмат кўрсатиши белгиланган.
Изоҳ (0)