Шотландия биринчи вазири Никола Стёржен Шотландияда Brexit‘дан кейин Шимолий Ирландиядаги каби мақом бўлишини истаётганини маълум қилди. Бу ҳақда «РИА Новости» хабар берди.
Лондон ва Европа Иттифоқи 2017 йилнинг ёзидан буён Brexit шартлари юзасидан музокарлар олиб бормоқда. Европа Иттифоқи Brexit’дан кейин Ирландия ва Шимолий Ирландия ўртасида тўла кучли чегаралар юзага келиши вариантига қарши чиқмоқда.
Аввалроқ Буюк Британия бош вазири Тереза Мэй Brexit’дан кейин мамлакатни Европа Иттифоқининг ягона бозори ва божхона сиёсати доирасида қолдириш эҳтимоли муҳокама қилинмаслигини маълум қилган.
Стёрженнинг маълум қилишича, Белфаст ягона бозор доирасида бўла туриб, Глазгонинг бундай ҳолатда бўлмаслиги Шотландиянинг ҳар қандай биринчи вазирини ташвишга солган бўларди.
Биринчи вазирнинг сўзларига кўра, Европа Иттифоқи билан муносабатларни қандайдир йўллар билан сақлаб қолиш керак ёки мамлакат яна ўз мусатқиллигини қўлга киритиш ва шу тариқа ягона бозор билан ўз муносабатларини ҳимоя қилиш масаласини кўриб чиқади.
Шотландия 2016 йилда бўлиб ўтган референдумда Буюк Британиянинг Европа иттифоқидан чиқишига қарши овоз берган эди.
Изоҳ (0)