АҚШ Олий судьясининг адаши судья билан боғлиқ можаро сабабли ўз исмидан нолиди

АҚШ Сенати 6 октябрда Бретт Каванони Олий суд судьялигига тасдиқлади. Кавано номзодининг муҳокамаси АҚШда 2018 йилдаги энг оммавий сиёсий можаролардан бирига олиб келди. Бу ҳақда TJournal хабар берди.

Бу лавозимга судья бир умрга тайинланади, шунинг учун Олий суд аъзолари юқори савияли кишилар бўлиши керак деб ҳисобланади. Кавано овоз беришдан бироз аввал жинсий тегажоқликда ва талабалик йилларидаги ахлоқсизликда айбланган.

Ижтимоий тармоқлардаги муҳокамалар ва кўчалардаги намойишлар фонида Кентукки штатида яшовчи 27 ёшли сотувчи Бретт Кавана ўз фикрини билдирди, унинг исмидаги битта ҳарф судьянинг исмидан фарқлаб туради. Кавано номзодига қарши чиққанлар Twitter’да унга ёза бошлаган. Шунинг учун у айни пайт унинг исми учун «даҳшатли вақт» деган хулосага келган.

ОАВ билан суҳбатда у сўнгги бир неча ҳафта унинг учун »телбалик» даври бўлганини тан олган. Унга Twitter’дан тинимсиз хабар келган ва у бу ҳақда тармоқда ёзган.

Унинг мазкур твити жуда тез тарқалган ва унга АҚШ вице-президенти Майк Пенснинг, Трампнинг собиқ матбуот котиби Шон Спайсер ва Трампнинг собиқ маслаҳатчиси Стив Бенноннинг адашлари уни қўллаб-қувватлаган.