Нью-Деҳли шаҳрида «Ўзбекистонда ишлаб чиқарилган» миллий маҳсулотлар кўргазмаси ва Ўзбекистон — Ҳиндистон бизнес-форуми давомида умумий қиймати 104,1 миллион долларлик 29 та шартнома имзоланди. Бу ҳақда Ташқи савдо вазирлиги матбуот хизмати хабар берди.
Икки давлат ташкилотлари ва ишбилармон доираларининг 100 дан зиёд вакили иштирок этган ушбу тадбирлар Президент Шавкат Мирзиёевнинг Ҳиндистонга давлат ташрифи доирасида ташкил этилди.
Томонлар умумий қиймати 102,1 миллион долларлик экспорт шартномалари ва 1 та импорт келишувини (2 миллион доллар) имзолади.
Экспорт шартномалари қишлоқ хўжалиги маҳсулотлари (қуритилган мевалар, дуккакли маҳсулотлар, бодом, қизилмия илдизи), кимё ва текстил маҳсулотлари етказиб беришдан иборат. Импорт шартномаси эса қурилиш материаллари сотиб олишни назарда тутади.
Изоҳ (0)