Ҳиндистоннинг Жамму ва Кашмир штатида микроавтобус иштирокида юз берган йўл-транспорт ҳодисаси оқибатида 20 киши ҳалок бўлди, дея хабар бермоқда «РИА Новости».
Хабар беришларича, Рамбан округидан Банихал шаҳрига кетаётган микроавтобус Маъруф аҳоли яшаш пункти яқинида бошқарувни йўқотиб, жарликка қулаган. «Ҳодиса жойида қидирув-қутқарув ишлари давом этмоқда», — дейилади хабарда.
Йўлларнинг тирбандлиги ва аҳволи ёмонлиги, ҳайдовчилик маданиятининг етишмаслиги оқибатида Ҳиндистонда йирик ва жиддий ЙТҲлар тез-тез юз беради. Расмий статистикага кўра, мамлакат йўлларидаги авариялар оқибатида ҳар куни 400 киши, бир йилда эса салкам 150 минг киши ҳалок бўлади.
Изоҳ (0)